Әр адамның өмірі әртүрлі жағдайларға толы. Отбасылық қиындықтар, жақын адамның өлімі, жұмысқа қатысты мәселелер жүйке жүйесін шаршатып, күйзеліс тудырады.Жағдайды өзгерту мүмкін болмаса, рухы күшті, психикасы тұрақты адамдар қиындықтарға қарамастан жағдайды қабылдап, мәселелерді шешуге немесе жағдайдың барысына көнуге қабілетті. Ал өте сезімтал, психикасы әлсіз адамдар қиын жағдайларда өз күштерімен өмірдің қиындықтарын жеңе алмай, психологиялық көмекке мұқтаж болады. Мұндай кезде психотерапевт-дәрігерлер көмек көрсетеді. Өкінішке қарай, оларға көмекке жүгінгенде, уақыт өтіп, ауру күрделеніп, қорқыныш, фобиялар, мазалаушы ойлар мен паникалық шабуылдар пайда болып, жүрек-қан тамырлары жүйесінің бұзылуы, бас аурулары және асқазан аурулары сынды қосымша мәселелер пайда болады.